2022 yil 25 fevral kuni “Strategik islohotlarni huquqiy ta’minlash: yakuniy tahlil va yangi chaqiriqlar” mavzusida xalqaro anjuman bo‘lib o‘tadi. RSS обуна
2022 yil 25 fevral kuni “Strategik islohotlarni huquqiy ta’minlash: yakuniy tahlil va yangi chaqiriqlar” mavzusida xalqaro anjuman bo‘lib o‘tadi.
Tadbir Adliya vazirligi tomonidan AQSh Xalqaro taraqqiyot agentligi (USAID) tashkiloti ko‘magida tashkil etilmoqda.
Ko‘zlangan maqsad strategik islohotlarni huquqiy jihatdan yakuniy tahlili, shuningdek 2022–2026 yillarga mo‘ljallangan Yangi O‘zbekistonning taraqqiyot strategiyasini amalga oshirish nuqtai nazardan yuridik hamjamiyat oldida turgan yangi vazifa va chaqiriqlarni muhokama qilishdan iborat.
Anjumanda Buyuk Britaniya, Xorvatiya, AQSh kabi davlatlarning ekspertlari, shuningdek BMT Taraqqiyot dasturining O‘zbekistondagi doimiy vakili (UNDP), Yevropa Ittifoqi (EU) va AQSh Xalqaro taraqqiyot agentligi (USAID) tashkiloti vakillari o‘z ma’ruzari bilan ishtirok etadi.
Tadbir tavsilotlari Adliya vazirligining Youtube ijtimoiy tarmog'idagi sahifasida jonli ravishda yoritib boriladi https://www.youtube.com/c/Adliya
Adliya vazirligi
Jamoatchilik bilan aloqalar bo‘limi