Адлия вазири Швейцариянинг Ўзбекистондаги элчиси билан учрашди
Адлия вазири Швейцариянинг Ўзбекистондаги элчиси билан учрашди
Жорий йилнинг 6 декабрь куни Ўзбекистон Республикаси адлия вазири А. Ташкулов ҳамда Швейцариянинг Ўзбекистондаги элчиси К. Оболенский билан учрашди.
Учрашув аввалида А. Ташкулов бу йил Ўзбекистон ва Швейцария ўртасида дипломатик муносабатлар ўрнатилганинг 30 йиллиги нишонланаётганини таъкидлади. Шунингдек, адлия вазири ўтган давр мобайнида биргаликдаги саъй-ҳаракатлар кўп қиррали Ўзбекистон-Швейцария ҳамкорлиги учун ишончли асос яратганини, икки томонлама дўстлик ва шериклик муносабатлари сезиларли даражада мустаҳкамланганини қайд этиб ўтди.
Учрашув сўнгида томонлар ўзаро ҳамкорликни ривожлантириш бўйича келишиб олдилар.